【 免疫治療：副作用驚驚？】
做任何癌症治療前，醫生姑娘都會先講解一輪副作用 通常癌友聽完都會心驚驚😨 擔心啲副作用會全部發生係自己身上 但其實副作用係因人而異！ 有啲癌友只有輕微副作用 有啲癌友嘅反應就相對嚴重 人人都唔同㗎 而免疫治療常見嘅副作用係身體發炎 病人有可能會出現肺炎、肝炎、結腸炎、甲狀腺異常等症狀 不過又唔使咁擔心 醫生可以用合適嘅藥物嚟控制 / 減輕副作用 最緊要keep住同醫生溝通你嘅身體狀況，咁就唔使驚青啦😎 #免疫治療 #副作用因人而異 #知道真相就唔驚驚 免疫治療只可以獨行？ 「做緊 化療 / 電療，係咪就唔可以做免疫治療 啦？」 唔少癌友都有以上嘅疑問 等肺仔嚟解答大家啦！ 好多病友會採用免疫治療作為初始療法，亦會同其他療法同步進行 比較常見嘅係 化療＋免疫治療 雙管齊下! 或者兩種唔同類型嘅免疫治療同時進行，簡稱 #雙重免疫療法 無論選擇邊種療法或組合，記得先諮詢醫生嘅專業意見吖！ #免疫治療 #肺癌治療新方向 #組出新前路 ====================================== 參考資料：New Hope for Lung Cancer Treatment. American Lung Association. Available at https://www.lung.org/...
